સ્પર્ધાત્મક પરીક્ષાનું શિક્ષણ છેવાડાના વિસ્તાર સુધી પહોંચે તે હેતુથી નવેમ્બર 2021 માં કપરાડા એજ્યુકેશન ગૃપ ની સ્થાપના કરવામાં આવેલ છે. જેમાં તાલુકાના મહત્તમ અધિકારીઓ તથા કર્મચારીઓ સીધી રીતે જોડાયેલા છે. તથા ઘણા જરૂરીયાતમંદ વિદ્યાર્થીઓ કોચિંગ ક્લાસ અને લાઈબ્રેરીનો વિનામૂલ્ય ઉપયોગ કરી રહ્યા છે.

● ઉદ્દેશ્ય:-

   પછાત અને આદિવાસી વસ્તી ધરાવતા કપરાડા તાલુકાના આસપાસ વિસ્તારના ધોરણ 12 પાસ કે ગ્રેજ્યુએટ વિદ્યાર્થીઓ નબળી આર્થિક પરિસ્થિતિના કારણે સ્પર્ધાત્મક પરીક્ષાનું શિક્ષણ મેળવી શકતા નથી, તેવો મોંઘીથી ભરીને મોટા શહેરોમાં જઈ શકતા નથી, આવા વિદ્યાર્થીઓને તાલુકાના મુખ્ય મથકે સરકારી નોકરીની તૈયારી માટેનું પ્લેટફોર્મ મળી રહે તે આ ગ્રુપનો મુખ્ય ઉદ્દેશ છે.

● પ્રવૃતિઓ:-

   ક્લાર્ક, તલાટી, પોલીસ કોન્સ્ટેબલ, ગ્રામસેવક, વનરક્ષક તથા ટેટ અને ટાટ જેવી પરીક્ષાની તૈયારી ગ્રુપ દ્વારા કરાવવામાં આવે છે. જેમાં મોક ટેસ્ટ, ફિઝિકલ તાલીમ, શૈક્ષણિક સેમિનાર, કોચિંગ ક્લાસ, અંગ્રેજી ટ્યુશન ક્લાસ, વૃક્ષારોપણ અને નોટબુક વિતરણ જેવી પ્રવૃત્તિઓનો સમાવેશ થાય છે.

● પરિણામ:-

    કપરાડા એજ્યુકેશન ગ્રુપના માધ્યમથી પ્રથમ વર્ષે કુલ 22 વિદ્યાર્થીઓ સરકારી નોકરી મેળવવામાં સફળ થયા છે. સફળ થયેલ ઉમેદવારો પૈકી પોલીસ સબ ઇન્સ્પેક્ટર- 1, ગ્રામ સેવક- 1, ક્લાર્ક- 2, અને પોલીસ કોન્સ્ટેબલ- 18 દ્વારા સમસ્ત તાલુકામાં એક આદર્શ ઉદાહરણ પૂરું પાડ્યું છે. જેના કારણે વધુને વધુ સંખ્યામાં નવા વિદ્યાર્થીઓ KEG સાથે જોડાઈ રહ્યા છે.

● મેનેજમેન્ટ:-

   જરૂરિયાતમંદ વિદ્યાર્થીઓ માટે થતી આ તમામ પ્રવૃત્તિઓ લોકફાળા દ્વારા સફળ થઈ રહી છે. ટેબલ -  ખુરશી, બેન્ચીસ, લેપટોપ અને કબાટ જેવી ભૌતિક સાધન સામગ્રી દાનરૂપે મળી રહી છે. આ ઉપરાંત લાઇબ્રેરી માટે પુસ્તકો પણ દાન દ્વારા મળી રહ્યા છે. જેનો સીધો ઉપયોગ જરૂરિયાતમંદ વિદ્યાર્થીઓ કરી રહ્યા છે. આ ઉપરાંત જન્મદિવસ પુણ્યતિથિ અને લગ્ન પ્રસંગ જેવા પ્રસંગોએ લોકો સ્વૈચ્છિક દાન આપી રહ્યા છે. આ દાતાઓનું પોસ્ટર બનાવીને સોશિયલ મીડિયાના માધ્યમથી વધારવામાં આવે છે.

● ભવિષ્યનું આયોજન અને હાલની જરૂરીયાત:-

   કપરાડા ખાતે કાયમી ધોરણે કોચિંગ ક્લાસ સેન્ટર સ્થાપવાની દિશામાં ગ્રુપ કામ કરી રહ્યું છે. જેમાં સ્પર્ધાત્મક પરીક્ષાના શિક્ષણની સાથે - સાથે પ્રાથમિક, માધ્યમિક અને ઉચ્ચતર માધ્યમિક શાના વિદ્યાર્થીઓ માટે પણ ગણિત, વિજ્ઞાન અને અંગ્રેજી જેવા પાયાના વિષયોના કોચિંગ ક્લાસ શરૂ કરવા ગ્રુપ પ્રતિબંધ છે.

   આ શૈક્ષણિક કાર્યો માટે કાયમી મકાન અને ડોનેશનની નિશ્ચિત રકમની જરૂર રહેલ છે.  આ હેતુઓ પૂર્ણ કરવા માટે ગ્રુપ અપેક્ષિત દાતાઓનો સંપર્ક કરીને સહયોગ મેળવવા પ્રયત્ન કરી રહેલ છે.